ضعي ورق جرائد بسلة القمامة

يمكنك وضع ورق جرائد أسفل الباسكت و من وقت لاخر نغير الورق و نقون بغسل الباسكت وتنشيفه ووضع ورق جديد متى دعت الحاجة لذلك

صفحتنا على الفيس بوك

تابعوا صقحتنا على الفيس بوك

facebook بيتك الصغير

حفظ الطعام في الثلاجة النوفروست

من الحاجات التي بتقابل كتير مننا هي الاكل اللي بينشف في الثلاجات الحديثة النوفروست
تعمل الثلاجة النوفروست عن طريق سحب الرطوبة من الأطعمة و الجو داخل الثلاجة

و عشان كده أي حاجة بنحطها مش متغطية بتنشف

مثل الأجبان و اللانشون و البسطرمة أو أي طعام يحفظ فيها

و لتجنب هذه المشكلة يمكن حفظ الأجبان في علب بلاستيكية

او لف الاطعمة بكيس نايلون قبل دخولها الثلاجة لتفادي جفافها

غلفي سطح دولاب المطبخ

يمكنك تغليف سطح دولاب المطبخ بورق فويل يلصق بالسيلوتب 
ويمكن وضع ورق الجرائد فوقه

و بكده تحمي الدولاب من التصاق الدهون و الاتربه

فيصبح سهل التنظيف و لن تحتاجي لتغيير الورق كثيرا قد يبقى عدة سنوات لان تنظيفه سهل جدا وبسيط

ودي صورة مش من تصويري جزاها الله خير اللي صورتها ورفعتها

غسل البطاطين

بما اننا في نهاية الشتا وموسم غسل البطاطين حبيت اشارككم طريقة غسلها في المنزل بطريقة بسيطة باذن الله

- اول خطوة انك تملي البانيو ميه و تدوبي الصابون

- بعد كده حطي البطانية و اضغطي عليها بقدمك بمعنى انك تمشي عليها برجلك

- انقعيها لمدة نص ساعة و مرة مرة عيدي الضغط عليها و حركيها بإيدك

- ملحوظة مهمة : لو حابة البطانية تفضل بلمعتها كأنها جديدة و ما تبقاش خشنة ما تبيتيهاش في الميه وكفاية أوي ساعتين تلاتة لغسلها
- فرغي البانيو و املي مايه و ضيفي صابون تاني لغسلة تانية

- فضي البانيو عشان تشطفيها و امليه مايه و حركيها

- فضي البانيو مرة اخرى و اشطفيها مرة ثانية وممكن تضيفي داوني في الشطفة الاخيرة او ديتول اي حاجة حابة تعطري بيها الباطنية

- خليها تصفي ساعتين تلاتة و انشريها

و كل عام و انت واسرتك بخير 

منشر داخلي

من الحاجات المهمة في البيت و اللي بتساعد ربة المنزل كتير

وجود منشر داخلي واحد صغير في الحمام للحاجات الصغيرة والحقيقة المنشر الصغير ده لو اقدر اقول فيه شعر اقول بنشر عليه الشرابات واي حاجات صغيرة بيريح ولا حاجة تقع من على الحبل والمشارك ما تكفيش الحاجات الكتير بجد بيفرق جدا

اما المنشر التاني بيكون كبير تستخدمه وقت الحاجة مثلا لو الجو تراب او شمس جامدة و هاتكون بره طول النهار وخايفة على الملابس من الشمس بيريحها كتير من التفكير ان عندها غسيل على الحبل اوقات تقلب الجو

حفظ الخيار في الثلاجة

عشان تحافظي على الخيار لاطول فترة ممكنة

غلفي علبة بلاستيك بورق مطبخ " مناديل "و رصي الخيار و بين كل طبقة و طبقة حطي ورقة منديل

بكده هاتحافظي عليه و على بقية الخضار في التلاجة لأنه غالبا السبب في تعفن أي خضار في التلاجة بيكون خيارة فاسدة
وتجنبي تماما تركه في الكيس البلاستيكي لانه بيؤدي لتعفنه سريعا

فضلا إذا أعجبك المحتوى شارك الموضوع من الأيقونة أسفل الصفحة لدعم المدونة

اعيدي استخدام برطمانات النسكافيه

برطمانات النسكافيه شكلها جميل و مميز

يمكنك اعادة استخدامها بحيث يستخدم الحجم الكبير للبقوليات و الشعرية مثلا

و الحجم الصغير ممكن استخدامه للتوابل وتكوين طقم جميل

برطمانات التوابل

يمكن استخدام حجمين لبرطمانات التوابل حجم كبير للاوراق العطرية او التوابل الخشبية وحجم أصغر للتوابل البودرة لتوفير المكان والمساحة ولخفة وزنها وسهولة استخدامها كما ان شراء كميات قليلة من التوابل افضل من تخزين كميات كبيرة قد تفقد رائحتها ونكهتها مع الوقت

حفظ الأرز و السكر

احتفظي بالسكر و الرز في علب بلاستيك 

و ممكن تخلي الكوباية او المكيال في العلبة

و بكده تستخدميهم بسهولة و تحميهم من النمل ويفضل الدولاب نظيف و مرتب