غسل المخدات الفيبر

السلام عليكم

و الصلاة و السلام على نبينا و حبيبنا محمد و على اله و صحبه و سلم

يمكن أغلبنا دلوقتي بقى بيستخدم المخدات الفيبرو كتير بنبقى مش عارفين ننضفها ازاي

قريت في كذا موقع انها تغسل في الغسالة عادي جدا و احط اتنين مع بعض على درجة حرارة عالية بصابون و كلور

لكن جربت كذا مرة و الفيبر كلكع و الكيس كمان ما نضفش اوي

و لاقيت حل ظريف اوي الحمد لله

و هو اني بعد ما اغسلها في الغسالة افكها و اخرج الفيبر و افكه من بعضه و اخليه ينشف و الكيس احطه في طبق بلاستيك و اضيف عليه الكلور و الصابون و بعد كده اغلي ميه في الكاتل و احطها عليه

بتلاقي الكيس في ساعتها اتحول و بقى ابيض جدا

بعد كده ترجعي الفيبر و ممكن تزودي كميته لو حابة مثلا من مخدة مستغنية عنها و تخيطي الكيس خياطة خفيفة عشان يبفى سهل بعد كده

و لأن غسل المخدة بياخد وقت يستحسن تلبسي المخدة بكيس او اتنين باستمرار و فوقيهم كيس مخدة الملاية 

و دي صورة الفيبر و كيس المخدة بعد ما اتغسل

غسل الستاير

السلام عليكم ورحمة الله وبركاته
اذا كنت من سكان المدن المزدحمة فغالبا لما بتيجي تنزلي الستارة بتلاقيها معبأة بالتراب

عشان كده قبل ما تحطي الستارة في الغسالة لازم الأول تغسليها غسلة في البانيو و تشطفيها بعدين تحطيها في الغسالة عشان تحافظي على غسالتك

و اذا كانت عليقات الستارة من النوع اللي ممكن يصدي و بتفكيها

الأفضل قبل ما تفكيها تضعي علامة بالقلم الجاف على اماكن العليقات في شريط الستارة

عشان ما تدوخيش بعد كده و انت بترجعيهم و تفضلي تعيدي العد .

غسل البطاطين

بما اننا في نهاية الشتا وموسم غسل البطاطين حبيت اشارككم طريقة غسلها في المنزل بطريقة بسيطة باذن الله

- اول خطوة انك تملي البانيو ميه و تدوبي الصابون

- بعد كده حطي البطانية و اضغطي عليها بقدمك بمعنى انك تمشي عليها برجلك

- انقعيها لمدة نص ساعة و مرة مرة عيدي الضغط عليها و حركيها بإيدك

- ملحوظة مهمة : لو حابة البطانية تفضل بلمعتها كأنها جديدة و ما تبقاش خشنة ما تبيتيهاش في الميه وكفاية أوي ساعتين تلاتة لغسلها
- فرغي البانيو و املي مايه و ضيفي صابون تاني لغسلة تانية

- فضي البانيو عشان تشطفيها و امليه مايه و حركيها

- فضي البانيو مرة اخرى و اشطفيها مرة ثانية وممكن تضيفي داوني في الشطفة الاخيرة او ديتول اي حاجة حابة تعطري بيها الباطنية

- خليها تصفي ساعتين تلاتة و انشريها

و كل عام و انت واسرتك بخير 

تطبيق مفارش السرير

طبقي الملائة و ضعيها هي والأكياس داخل أحد الأكياس حتى تحصلي على شكل مرتب ويسهل سحبها عند الحاجة أليها دون ان تجهدي نفسك بالبحث عن كيس تاه وسط الزحام :)

منقول

فضلا انشرها إذا أعجبك المحتوى

كلمات بحثية : ترتيب ، تنظيم ، الملايات ، شراشف ، السرير ، تطبيق