التمر في المنزل

غسل المخدات الفيبر

السلام عليكم

و الصلاة و السلام على نبينا و حبيبنا محمد و على اله و صحبه و سلم

يمكن أغلبنا دلوقتي بقى بيستخدم المخدات الفيبرو كتير بنبقى مش عارفين ننضفها ازاي

قريت في كذا موقع انها تغسل في الغسالة عادي جدا و احط اتنين مع بعض على درجة حرارة عالية بصابون و كلور

لكن جربت كذا مرة و الفيبر كلكع و الكيس كمان ما نضفش اوي

و لاقيت حل ظريف اوي الحمد لله

و هو اني بعد ما اغسلها في الغسالة افكها و اخرج الفيبر و افكه من بعضه و اخليه ينشف و الكيس احطه في طبق بلاستيك و اضيف عليه الكلور و الصابون و بعد كده اغلي ميه في الكاتل و احطها عليه

بتلاقي الكيس في ساعتها اتحول و بقى ابيض جدا

بعد كده ترجعي الفيبر و ممكن تزودي كميته لو حابة مثلا من مخدة مستغنية عنها و تخيطي الكيس خياطة خفيفة عشان يبفى سهل بعد كده

و لأن غسل المخدة بياخد وقت يستحسن تلبسي المخدة بكيس او اتنين باستمرار و فوقيهم كيس مخدة الملاية 

و دي صورة الفيبر و كيس المخدة بعد ما اتغسل

تعطير المنزل

الحمد لله
و الصلاة و السلام على نبينا محمد و على اله و صحبه و سلم
من احب الأمور لللربات البيوت أن تتمتع بيوتهم برائحة عطرة تضفي نوع من الانتعاش و الاسترخاء في ان واحد

لكل بيت رائحة خاصة تميزه إما رائحة جميلة او غير مستحبة

لذا من الأمور التي يجب مراعاتها عند تنظيف المنزل البدء بالتخلص من كل ما قد يسبب رائحة غير مرغوبة في المنزل بداية من التخلص من كيس القمامة بشكل يومي و حتى التخلص من الأتربة العالقة بالسجاد و المفروشات و التي قد تتسبب في رائحة في المكان قد لا تشعرين بها و لكن يلاحظها من يدخل البيت

لذا لا تطيلي المدة في غسل السجاد و شمسيها من حين لاخر و انفضي الغبار من على الصالون و المفروشات من حين لاخر و اهتمي بتطهير الحمامات و عدم ابقاء صحون غير نظيفة في المطبخ

بالاضافة الى التخلص من الاسباب التي قد تسبب رائحة غير مرغوبة بالمنزل  يحتاج المنزل للتهوية الجيدة ودخول الشمس وتشميس الوساءد والاغطية من وقت لاخر ثم يأتي دور التعطير
بالنسبة للسجاد يمكنك ان تستخدمي الروائح المركزة التي تباع عند محلات مستحضرات التنظيف و هي متوفرة بروائح عدة مثل الخوخ و اللافاندر بحيث تخفيها بالماء و تضعيها في جردل ثم تغمسي به قطعة قماش او المكنسة العادية و تبدأي تمرريها على السجادة
اما الانتريهات و المفارش و حتى السجاد ممكن تخلطي العطر مع ماء في بخاخة و ترشي منها
او تستخدمي الفواحات للزيوت العطرية ايضا جيدة
وافضل الطرق في رايي البخور الطبيعي اللي بيكون عند العطار وهذا يعطي راءحة اكثر ثباتا من الطرق الاخرى
و ان شاء الله تكون بيوتكم دايما جميلة و عامرة بالاحباب

تخلصي من فوضة المواعين

السلام عليكم
و الصلاة و السلام على نبينا محمد و على اله و صحبه و سلم
يمكن اغلب البيوت في عالمنا العربي بتعتمد الطريقة التقليدية في غسل المواعين و هي غسلها باليد و في البعض طبعا بيستخدم غسالة الاطباق
لو بتغسلي المواعين بنفسك و ما فيش حد بيساعدك في الموضوع ده و بتطبخي و بتخرجي تقضي مشاوير
ممكن تيجي في يوم تلاقي المواعين اتراكمت و ملت المطبخ و تقفي تغسلي و تقضي وقت في غسلها و اعادة ترتيب المطبخ
و ده سببه مش بس انك كنت مشغولة و لكن ايضا كثرة الاطباق و الاكواب اللي حطاها للاستخدام في المطبخ
وده كان بيحصلي كتير و يزعجني لحد ما كنت بحكي مع اختي و اقترحت عليا اقتراح كان بالنسبة لي في منتهى الروعة
الحل كان اني اقلل الاطباق و الكوبايات و  المعالق المتاحة للاستخدام اليومي و اشيل الباقي في البوفيه او دولاب المطبخ و ما استخدمش منهم الا في حالة و جود ضيوف و ارجعهم مكانهم بعد كده
باختصار مش كل المواعين تبقى متاحة طول الوقت
بالطريقة دي حتى لو لأي ظرف اتأخرتي في غسل المواعين المطبخ مش هيتقلب أوي و مش هياخد وقت
كانت فكرة ممتازة و الحمد لله فرقت معايا كتير
بالظبط زي ما بنروح مصيف شوفي الحاجات بتبقى قليلة و بنعمل كل حاجة و دايما المطبخ بيفضل رايق و نظيف
بسطي حياتك هتلاقيها بسيطة

غزة #SupportGaza

كولومبيا تضئ اطول برج بها في العاصمة بوغوتا بالوان علم فلسطين
ربنا ينصر اخواننا في غزة و يغفر لنا و يرحمنا
لا تنسوهم من دعائكم