تخلصي من فوضة المواعين

السلام عليكم
و الصلاة و السلام على نبينا محمد و على اله و صحبه و سلم
يمكن اغلب البيوت في عالمنا العربي بتعتمد الطريقة التقليدية في غسل المواعين و هي غسلها باليد و في البعض طبعا بيستخدم غسالة الاطباق
لو بتغسلي المواعين بنفسك و ما فيش حد بيساعدك في الموضوع ده و بتطبخي و بتخرجي تقضي مشاوير
ممكن تيجي في يوم تلاقي المواعين اتراكمت و ملت المطبخ و تقفي تغسلي و تقضي وقت في غسلها و اعادة ترتيب المطبخ
و ده سببه مش بس انك كنت مشغولة و لكن ايضا كثرة الاطباق و الاكواب اللي حطاها للاستخدام في المطبخ
وده كان بيحصلي كتير و يزعجني لحد ما كنت بحكي مع اختي و اقترحت عليا اقتراح كان بالنسبة لي في منتهى الروعة
الحل كان اني اقلل الاطباق و الكوبايات و  المعالق المتاحة للاستخدام اليومي و اشيل الباقي في البوفيه او دولاب المطبخ و ما استخدمش منهم الا في حالة و جود ضيوف و ارجعهم مكانهم بعد كده
باختصار مش كل المواعين تبقى متاحة طول الوقت
بالطريقة دي حتى لو لأي ظرف اتأخرتي في غسل المواعين المطبخ مش هيتقلب أوي و مش هياخد وقت
كانت فكرة ممتازة و الحمد لله فرقت معايا كتير
بالظبط زي ما بنروح مصيف شوفي الحاجات بتبقى قليلة و بنعمل كل حاجة و دايما المطبخ بيفضل رايق و نظيف
بسطي حياتك هتلاقيها بسيطة

غزة #SupportGaza

كولومبيا تضئ اطول برج بها في العاصمة بوغوتا بالوان علم فلسطين
ربنا ينصر اخواننا في غزة و يغفر لنا و يرحمنا
لا تنسوهم من دعائكم

كوني كريمة مع الباعة الجائلين

شنطة رمضان

من الحاجات الجميلة في رمضان ان الغني بيشعر بالفقير 

و يتذوق فيه الغني طعم الجوع و كيف ان هناك من الفقراء من يبيت جوعان او يصبح و ليس عنده ما يفطر

شهر رمضان شهر المواساة و الرحمة و شهر الصدقات و تذكر الفقراء 

كان رسولنا الحبيب يكثر من الصدقات في هذا الشهر الفضيل

و من اجمل الأفكار اللي انتشرت شنطة رمضان

شنطة تجهزيها للفقير تضعي فيها بعض مواد التموين ... رز او مكرونة زيت سكر صلصة اي شئ تستطيعي ان تجيدي بيه و تعطيه للفقير كي تواسيه في شهر الخير
و هناك من يجهز مجموعة من الشنط كل حسب مقدرته و استطاعته

كل عام و انتم بخير

كل عام و انتم بخير بمناسبة شهر رمضان اعاده الله عليكم و علينا بالخير و اليمن و البركات

التنظيف العميق للمطبخ

السلام عليكم و رحمة الله و بركاته
كل سنة و انتم طيبين
كنت اتمنى اكتب موضوع المطبخ ده من مدة بس كنت مشغولة شوية
بالنسبة للمطبخ قبل رمضان أغلبنا بيحب ينضفه تنضيفة عميقة عشان يكون مريح لينا طول الشهر خاصتا لو عندنا عزايم في شهر الخير ويفضل تنضفيه قبل بمدة عشان تدي لنفسك راحة
عشان كده حبيت اكتب عن خطوات لتنضيفه بعمق
بسم الله نبدا
عادتا لما بنضف اي حاجة بناخدها من فوق لتحت
اول حاجة ننضف الجزء اللي فوق الدولاب والتلاجة بحيث ننضف فوق الدولاب بليفة و صابون و نفس الشئ بالنسبة للحوائط فوق الدولاب
بعد كده ناخد الدرف العلوية نمسح ابوابها من الداخل و الخارج و الشباك ناخده في نفس مرحلة الدرف العلوية
المرحلة الي بعد كده الرخامة ننظمها و اي شئ عاوز رمي نتخلص منه و اي شئ محتاج يدخل في الدرف ندخله و نغسل السيراميك اللي فوقها و نمسحه
بعد كده الدرف اللي في الاسفل بنفس الطريقة
وبعدهم نحرك التلاجة ونكنس ونمسح وراها ونمسح جسم التلاجة من الخارج ومن فوقها
وبعد كده تحريك البوتجاز وغسل الارضية اسفل منه ودعك جوانبه والحاءط بجانبه بالماء والصابون وتنشيف الارض وارجاعه لمكانه
ولو غسالة اطباق نفس الشيئ
وفي الاخر مسح الارضية اللي هي وسط المطبخ لان كل الحاجات اللي حركناها مسحنا تحتها ورجعناها مكانها
ممكن قبل ما تعملي الموضوع ده بيوم ترتبي الدولاب وتخرجي الزايد لو حاسة ان الدولاب من جوا محتاج ترتيب او التلاجة من جوا محتاجة ترتيب
وبكده يبقى كل حتى في المطبخ بقت نضيفة
دمتم في رعاية الله
 والله المستعان


 كل عام و انتم بخير

دولاب الحمام

من الحاجات الجميلة و بتساعد وجود دولاب بالحمام بأي حجم ممكن

يوضع به الصابون و الكريمات و المساحيق و ان كان حجمه كبير ممكن ايضا وضع الفوط به
الدولاب ده ممكن يبقى داخل الحمام او في الطرقة جنبه