جولة سريعة او لفة على البيت

 تعملي ايه لو خرجتي كام يوم ورا بعض بتقضي اغراض وبتخلصي حاجات وفجأة لقيتي البيت بقى فوضى

اول حاجة نذكر الله

ونبدأ من الخارج للداخل 

يعني ايه يعني نبدأ بلم اي شيئ له علاقة ببره او جبناه من بره ونبدأ من مدخل الشقة لباقي البيت

بالترتيب الاتي نلم الاشياء

١ الاحذية 

٢ الشنط و الاكياس 

٣ الأوراق

٤ الملابس

نعمل لفة في البيت على كل بند في القايمه و هتلاقي الدنيا راقت بإذن الله 

استغفروا الله وتوبوا إليه

اسأل الله أن يغفر لي ولكم وأن يرفع الوباء ويزيح الغمة

استغفروا الله وتوبوا إليه

أهلي أهل مصر توبوا إلى الله

استغفروا وتبرئوا من الظالم ومن دماء الأبرياء 

لا تصفقوا للظلم وتوبوا مما فات واستغفروا الله تجدوه غفارا

هو يقبل التوبة ويعفو عن كثير

أخواتي المتبرجات توبن إلى الله فكم من شاب فتنتي توبي يا أختي واخفي جمالك وزينتك

أخواتي اللي بيتفرجوا على المسلسلات انه اعلام العهر وفساد الأخلاق فلل تكونوا عونا لهم بفتحكم ومشاهدة المسلسل

تبرئوا واخلوا ذمتكم

يا أخ ياللي بتصارع أختك على الميراث توب إلى الله

يا أخت يلي بتتكلمي عن فلانة وعلامة توبي وتوقفي عن الغيبة واحذريها هي خطر عليك وانت الخاسرة  

استغفروا 

علمي طفلك الحفاظ على الماء

الحمد لله الماء متوفر في بلادنا العربية واغلب المدن والقرى واصلها الماء بفضل الله
لذا من شكر النعمة ان نستخدمها كما يجب

علموا الاطفال من الصغر الحفاظ على الماء

دائما اخبروهم ان لا ينبغي ان يطولوا وقت الاستحمام حفاظا على الماء والا يتركوا الصنبور مفتوحا حفاظا على الماء 

تنظيف البوتجاز او الغاز

بسم الله
اللهم صل وسلم وبارك على سيدنا محمد
حاجة من الحاجات المهمة في نظافة المطبخ وبتحتاج اهتمام وعناية البوتجاز
 حابة انقل طريقتي في تنظيف سطح البوتجاز والغطا الزجاج الخاص بيه
والطريقة دي بعملها كل فترة طويلة لو بدأت تتراكم الدهون على اطرافه او الزجاج
وهي ان بشغل شواية الفرن واحط الصابون وشوية ميه سخنة على السطح
وظيفة الشواية انها بتسخن سطح البوتجاز وكمان الغطا الزجاج اللي فوق

نقفلها ونبدأ بسم الله 
بنضف سطح البوتجاز وناخد فوطة معصورة نبدأ نمسح بيها الزجاج كذا مرة مع السخونية اللي طالعة من شواية الفرن ببتخلص من الدهون بسهولة
واخد فوطة والبسها لحرف سكينة وامشي بيها على الاماكن الضيقة كل الدهون بتطلع بفضل الله
دمتم في رعاية الله
ان اعجبك المحتوى شاركينا بتعليق اسفل البوست 🌹

مفقودة في السعودية عام ٨٦

اساسيات التعامل مع حوض المطبخ

بسم الله والصلاة والسلام على رسول الله
حابة ادردش معاكم حبيباتي عن اهم حتى في المطبخ وهي الحوض والحقيقة ان نضافة المطبخ والارتياح فيه بيتلخص في حوض نضيف فاضي
طيب
ايه هي وظيفة الحوض
سؤال سهل ولكن في الحقيقة اوقات مش بنركز في وظيفته الحقيقية وبنستخدمه استخدام خاطئ
وظيفة الحوض هي الغسل نغسل مواعين فاكهة خضار لحوم اي حاجة محتاجين نغسلها متعلقة بالطعام
حلو اوي
ايه بقى الاستخدام الخاطئ
الاستخدام الخاطئ ان واحنا شغالين كل حاجة نرميها في الحوض بغض النظر هنغسلها دلوقتي ولا لا
طيب ايه المشكلة
المشكلة في نقطتين لو الحاجات طولت في الحوض وغسلتي فوقيها حاجات تانية الحاجة بتزداد اتساخ وممكن تتزفر
والنقطة التانية والاهم هي انك لو محتاجة تطبخي او تغسلي او داخلة تعملي كيكة والحوض مليان ده بيوتر وبيخليك مش مرتاحة وانت بتشتغلي وحاسة بربكة مش فهماما والحقيقة بيكون سببها الحوض المليان
.
.
.
خديها قاعدة واحفظيها ما ينفعش نشتغل في المطبخ إلا والحوض فاضي
حتى لو هنأجل غسل حاجات تبقى على مكان قريب من الحوض مش في الحوض ابدا
لو لابد تحطي حاجات في الحوض يبقى حاجات صغيرة تبقي عارفة انك وقت ما هتحتاجي الحوض هتغسليها في ثانية وتكملي شغل

نقطة كمان ما نغسلش حاجة فوق حاجة لو حاجة في الحوض يبقى هي الاول ما نغسلش فوقيها
بس كده ويارب ننعم بحوض رايق جميل يخلي وقفتنا في المطبخ اسهل وايسر بإذن الله

اهتمي بنفسك اولا

عزيزتي المرأة أو الزوجة أو الام
ابدئي يومك بالاهتمام بنفسك ففاقد الشيئ لا يعطيه
انت اهم شخص في المنزل لأن ببساطة حالتك النفسية تنعكس على أرجاء المنزل سواء أسرتك أو المنزل نفسه
اول ساعة من النهار تكون ليكي أو حتى نص ساعة بس تاخدي دوش تغيري ملابسك تسرحي شعرك مش شرط زينه كامله بس تحسي بأنك صحيتي وفوقتي وقاعده بشكل مهندم يديك ثقة في نفسك
ما تقليش عندي شغل كتير وهاخد دوشي واغير واروق بعد ما اخلص احب اقولك ان الشغل مش هيخلص وهتفضلي طول اليوم قرفانه ومش هتلاقي الوقت ده عشان كده ابدئي بنفسك اولا
كلامي خاصتا لربة البيت شوفي الموظفة اول حاجة بتعملها تهتم بنفسها وتنزل الشغل زوجك يصحى يزبط نفسه ويروح شغله أولادك كل من حولك هذه بداية يومهم
فأنت ما تخليش مسؤوليات البيت تركبك وتبقي آخر واحدة وبعد كده تزعلي و تقولي شكلي وبقى حالي حال
اصحي وفوقي وظبطي نفسك وبعد كده كل حاجة ملحوق عليها
❤️❤️

ضعي حد للالعاب في المنزل

بسم الله والصلاة والسلام على رسول الله

العاب هنا وهناك ونروق ونشيل وترجع تتناثر الالعاب
ندوس على دي او نتكعبل في دي
ونرجع نلم اللعب
ده حال اغلب من عنده اطفال صغار واحنا اللي بنشتري الالعاب بإرادتنا
وده بالطبع حالي انا كمان
فضلت فترة طويلة من مدة للتانيه افرز اللعب وارمي المكسر
ولازالت اللعب هنا وهناك
لحد ما جيت في يوم قلت ليه ما اخليش الولاد يفرزوا معايا! !!!!

وفعلا فازوا معايا وبقيت اسالهم انت عاوز او حابب
فوجئت ان حاجات كتير مش عاوزينها غير ما كنت متخيلة وخرجنا كيس لعب كبير وباقي اللعب اتنظمت واترتبت الحمد لله
وقبل ما اخرج الكيس قعدت معاهم ووريتهم قد ايه الحاجات دي كانت مسببة لينا كركبة وقد ايه انهم كانوا بيزهقوا لنا يروقوا غرفتهم وتواعدنا ان لازم نفكر كويس قبل ما نشتري لعب تاني
وتووووووبة من اللعب الي فيها اجزاء صغيرة قطعة تروح هنا وقطعة تروح هنا واحنا ندور و نلم

ملحوظة :هذه الافكار لزوار المدونة ولا اسامح نقلها الا بذكر المصدر

ست علب مهمه في المنزل

بسم الله الرحمن الرحيم
والصلاة والسلام على سيدنا محمد

موضوعي اليوم عن علب ضروري وجودها في كل منزل بتريح كتير من التدوير هنا وهناك  والعلب هي كالتالي :
العلبة الاول :لتخزين ادوات الخياطه ودي من زمان موجودة في كل بيت
الثانيه: للنقود المعدنية او الفكة
تالت علبة: علبه او شنطة للاقلام انا باستخدم شنطة ميكب بجمع فيها اي اقلام او برايات بحيث ان اي حد من الاولاد محتاج قلم يلاقيه وكمان لما بيروقوا عرفتهم بعطيهم الشنطه واطلب منهم اي قلم يقابلهم يضعوه في الشنطة
الرابعة: للدبابيس الخاصة بالحجاب
الخامسة: للمسامير براريم اي حاجة من الحاجات دي
السادسة والاخيرة: للفواتير والكروت بضع فيها فواتير الكهربا مثلا اي كارت خاص بمحل او كذا اضعه فيها
بتريح جدا وقت الترويق ولو عندك شغالة مش هتحتار فين تحط الحاجة بالاضافة انها بتخلي الادراج مرتبة ورايقة لحد كبير
دمتم في رعاية الله

كل عام وانتم بخير

كل عام وانتم بخير بمناسبة شهر رمضان المبارك اعاده الله عليكم وعلينا بالخير واليمن والبركات 

مكان واحد لكل شيئ متشابه

بسم الله والصلاة والسلام على رسول الله
من ابسط قواعد التنظيم والترتيب هو اننا نضع كل شيئ متشابه مع بعضه في مكان واحد اما في درج او درفة علبه او شنطه ده بيساعدنا جدا وقت الترويق وكمان لما بنحتاج لحاجة بنبقى عارفين مكانها بسهوله
مثلا درج للايشاربات
درج للشاربات
 درج للشواحن والبطاريات
علبه لأدوات الخياطه
علبه او شنطة للاقلام
لو حاجة بيبي يبقى ليها مكان
مكان واحد لتخزين ملابس الشتاء او الصيف ويفضل يكون سهل اعلى رف في الدولاب مثلا
ملابس المناسبات
مكان للبطاطين ممكن احد السراير يخزن تحته البطاطين
لو بنخزن تحت السرير يبقى السرير الكبير نخزن تحته الحاجات اللي نادر ما بنستخدمها والصغير الحاجات الموسميه زي بطاطين او كوفرتات او لعب اطفال
لو ملابس جديدة تبقى مع بعضها
في المطبخ مثلا درفة لحاجة الضيوف
درفة للمشروبات شاي قهوة سحلب
وهكذا

المقصود ان يبقى مكان واحد لكل حاجة شبه بعضها عشان وقت ما نحتاج اي حاجة ما نحتاجش ندور في كذا مكان ونلاقي حاجتنا بسهوله ويسر باذن الله
دمتم في رعاية الله وحفظه

اطقم الكاسات والفناجين الغير مستخدمة

السلام عليكم ورحمة الله وبركاته

اعتدنا جميعا ان نتخلص من الفائض من الملابس والزائد عن الحاجة واعطائه للفقراء وفي الحقيقة ان هناك اشياء اخرى تكون زائدة عن حاجتنا مثل الكاسات وفناجين القهوة

احيانا كثيرة نعجب بطقم ونشتريه ثم نشتري اخر ومع الوقت نجد عندنا اطقم لا نستخدمها في التقديم ولا للزينة وقد تكون اصبح موديلها قديم في نظرك ولن تستخدميها 

هناك فتيات فقيرات قد تفرحن كثيرا اذا اهديتها طقم وخادمتك ايضا قد تسعد كثيرا اذا اعطيتها واحد

لا اقصد تخلي نفسك من غير ولا شيئ ولكن اذا وجدتي مطبخ اصبح مليئ بطريقة زائدة عن الحاجة او شيئ لا تتوقعين له استخدام فاعطيه لوجه الله واسعدي به غيرك

مفقودة من 23 سنه تبحث عن اهلها

ارجو ارسال لينك النشر
الموضوع منقول
ـــــــــــــــــــــــــــــــــــــــ
الصورة دي وانا عمري سنتين من داخل قسم ميت غمر من 23 سنه
كنت بنفس اللبس ونفس التسريحه اللي في الصورة دي لما ناس لقوني على محطة قطار ميت غمر وسلموني لدار رعاية الايتام وبعدها الدار سلمتني للقسم واتعمل محضر واتصورت الصورة اللي انتوا شايفنها دي
اتسجل في محضر العثور بالقسم وقتها لبسي ده وان سني التقديري سنتين وكمان اختطاف بغرض السرقة وده كان بسبب الجروح اللي كانت في ايدي مكان الاسورة الدهب اللي كنت لابساها وان اللى خطفني اخدها من ايدي ورماني في المحطة ومشي
عشت حياتي كلها في الدار لحد لما اتخرجت من كلية تربية وبعدها ربنا كرمني واتجوزت وعمري دلوقتي حوالي 25 سنه
املي في ربنا كبير
يااااه يا امي ... يااارب ربنا يكرمني واشوفك
بقول لاخواتي واهلي كلهم ان شاء الله هتعرفوني من صورتي لانها في نفس يوم العثور عليه ... المهم ربنا يكرمني وتوصل صورتي لحد منكم ويشوفها باذن الله
منقوووووووووول

حفظ الاشياء الصغيرة

بسم الله والصلاة والسلام على رسول الله
يمكن طول ما احنا بنروق بنلاقي حاجات صغيرة كتير محتاجه يكون ليها مكان مخصص
هذه الاشياء تحتاج لعلب صغيرة لحفظها بحيث عندما تقع عينك على الشيئ تعلمين اين تحتفظين به
ومثال على ذلك الالوان والاقلام والبرايات يمكنك الاحتفاظ بكل ما يتعلق بالتلوين والكتابة في شنطة ميك اب تخصصيها لذلك ونعود الاولاد ايضا ان اي قلم مكانه هذه الشنطة
ادوات الخياطه تحتاج الي علبة
اللعب صغيرة الحجم كاللعب التي تاتي هدية مع الشوكولاتة تحتاج ايضا لعلبة
الميك اب يحتاج لشنطة او علبة
وهكذا اي شيئ متشابه مع بعضه
والله المستعان

دانا ام لطفلين مفقودة

عااااااااجــــــــــــل وهااام جدااا

دانا (مصرية اردنية)

لكل متابعى الصفحه ..نناشد جميع المصريين بالبحث معنا على صاحبه الصورة وهي الاستاذه/ دانا ...تم تأخير الإعلان عن صاحبه الصورة نزولا على رغبه أهلها ..حيث تواصل أدمن الصفحه مع أهل دانا منذ اختفائها ... وتم عمل محاضر رسميه.

البنت فاقده ل وعيها تماما وفاقده ذاكرتها ...عند رؤيتها على الطريق قام شباب جدعان بتصويرها وإرسال الصورة لنا وتم ايداعها مستشفى العباسيه لمده 25 يوم وقامت المستشفى (بتسريبها) فى هذه الأثناء كانت الاسره تبحث عن ابنتهم ولم  يجدوها وعند إرسال الصورة لهم لم يكونوا متأكدين.

تواصل الأدمن مع من صورها وقام بنقل علامات مميزة فى البنت فتأكدت الأم على الفور انها ابنتها.

انتقلنا إلى جميع الأماكن التى يتم إبلاغنا بها ولكن لا نجدها. .وذهبنا لمستشفى العباسيه وأنكروا دخولها.

نناشدكم جميعا أن تقفوا بجانب أهلها وتنقذوا الفتاه من ذئاب البشر. الاهل أعلنوا عن مكافأة ماليه لمن يجدها ويوصلها لأهلها.

_____________
هااااام للغايه ..
دانه محمد ابراهيم شركس
27 سنه
اردنيه مصريه
تعيش بالأردن مع والدتها و هي ام لطفلين و ابنه لرجل مصري.
جاءت في زياره للقاهره و يوم سفرها للعوده للأردن يوم 22 اكتوبر 2015 خرجت بعد الظهر لشراء بعض الاغراض من السوبر ماركت قبل السفر ولم تعد واغلق خط تليفونها في منطقة جزيره الذهب في المعادي.
______________

من يجدها يقوم بمراسلة الصفحه أو الاتصال ب
01122364806 أرجو النشر لأهمية الموقف
أو الاتصال على 01151959733
#صفحة_المفقودين

الحفاظ على الخوخ في الثلاجه

الخوخ من الفواكه الجميلة التي تظهر في فصل الربيع بفضل الله ومنه وعطائه
وهو فاكهه منعشه مليئة بالماء لذا يجب التعامل معها برفق فهو ليس كالتفاح مثلا
للحفاظ على الخوخ في الثلاجه اكبر فترة ممكنه اولا يجب عدم ابقاءه في الكيس البلاستيكية مطلقا لان خوخة واحده طرية قد تفسد باقيه
نخرج الخوخ من الكيس البلاستيك ونفرزه الطري منه نغسله مباشرتا والباقي نضعه في طبق مبطن بمناديل ورق كي تمتص اي ماء زائد وتحافظ عليه جافا سليما باذن الله وبالهنا والشفا

اقتني ما يمكنك الاعتناء به

بسم الله والصلاة والسلام على رسول الله
كثرت الديكورات والنقوش والتحف ومستلزمات المطبخ وامور كثيرة يمكن اقتناءها بالمنزل
وقد نشتري ويزدحم البيت بالتحف والفازات والتي بدورها تحتاج لعنايه
بعض البيوت بها خدم والبعض ربة البيت تقوم بكل شيئ وهذه الامور تمثل عبئ عليها من تنظيف وتلميع حتى الملابس عندما تكثر وتزيد عن الحاجة تصبح كذلك
لذا قبل الشراء علينا ان نقدر احتياجنا وضرورة الشيئ اولا وهل يسهل الاعتناء به ام انه سيمثل عبئا اكثر من فائدته بالنسبة لنا
دمتم في حفظ الله

اختيار الستاير

بسم الله الرحمن الرحيم
والصلاة والسلام على سيدنا محمد اشرف الخلق والمرسلين
تطورت الديكورات و الستارة بقى ليها دور مهم في ديكور البيت
وبقينا نشوف اشكال وموديلات في منها بسيط وعملي وفي منها معقد بعض الشيء
والحقيقة ان للستارة وظيفة مهمة قبل ما تكون شكل او ديكور
وعشان كده لو حبينا نقسم انواع الستاير هنلاقي انها اما ستاير نهاريه واخرى ليلية
وعلى هذا الاساس بنختار الستاير والموضوع ابسط كتير من التعقيد اللي ظهر بعمل طبقات من الستاير الخفيفة وعمل بلاك اوت ويبقى عندنا كم كبير من الاقمشة اللي بتحتاج عناية وجهد وتنضيف
بالنسبة للستاره النهاريه بتكون الستارة الخفيفة الشفافة ودي بتسمح بدخول ضوء الشمس من غير ما اللي برا يكشف البيت
والستارة الليلية دي اللي بتبقى على الجناب بتكون من قماش تقيل بحيث تتقفل بالليل او وقت القيلولة
وده يمكن خطأ عرايس كتير بتعمله وحصل معايا برده انها تعمل الجوانب خفيفه فتضطر لعمل بلاك اوت وتتكلف مجهود وتكلفة اضافية

تنظيم دولاب الملابس

بسم الله الرحمن الرحيم
وجود دولاب ملابس منظم من الامور التي تساعدك كثيرا عند خروجك من المنزل حيث يجد كل فرد من افراد الاسرة ملابسه دون عناء البحث او الاحتياج للكي فكثير من القطع لا تحتاج للكي اذا قمتي بطيها في وقت قصير بعد احضارها من المنشر
فطي الملابس لا يعني فقط شكل مرتب ولكن راحة في ايجاد ما تحتاجين وفي وقت اقل والاهم التخلص من حيرة البحث عن قطعة معينة
ويبدا الدولاب المنظم من مرحلة طي الملابس فطي الملابس بطريقة صحيحة يساعد بشكل كبير في الحفاظ على ترتيب الملابس
وافضل طريقة للطي هي طريقة محلات الملابس فالبرغم من كثرة الملابس في المحلات الا انها مرتبة منظمة لا تميل على بعضها
وتعتبر خطوة وضع الملابس في الدولاب مهمة ايضا للحفاظ على ترتيبه حيث يجب مراعاة عدم وضع الملابس التي تم طيها فوق اخرى غير مرتبة فقط رتبي الدولاب سريعا اول باول في كل مرة تدخلي ملابس للدولاب وبهذا تحافظي على ترتيب الدولاب وتجدين ما تحتاجيه بسهوله ويسر باذن الله

ده بالنسبة للارفف اما الادراج فالطريقة اللي في الصورة دي مريحة جدا باذن الله

حفظ الخضار في الثلاجة

بسم الله الرحمن الرحيم
والصلاة والسلام على اشرف المرسلين
جميل جدا شعور انه نشتري الخضار ونستخدمها كلها من دون ان تتلف
وهناك بعض الافكار لكي نحافظ على الخضار من التلف اولها ان نقوم بفرش فوطة اسفل الدرج او مناديل ورق واخراج الخضر من الكيس البلاستيكي الذي اشتريناها فيه لانه يحفظ الرطوبة ويساعد على تعفن الخضار في وقت قصير فنحاول ان نحفظها كما في السوبر ماركت تكون الخضر والفاكهة معروضة بدون اكياس
وهذه صوره للدرج مفروش بفوط فائقة الامتصاص وفوقها مناديل مطبخ

ايضا من المهم عند شراء الخضر الا نضع الجديد فوق القديم في الدرج مباشرتا بل يجب فرز الخضار القديمة اولا والتخلص من اي حبة فاسدة كي لا تخرب الجديد وان كان الدرج بحاجة للتنظيف نقوم بذلك ثم نضع الخضار الجديد

الطماطم والبطيخ يجب فصلهم عن باقي الخضروات لأنهم بيخلوا الحاجة اللي حواليهم سواء جزر أو خيار يطرى ويدبل
بالنسبة للاوراق الخضراء مثل الجرجير والبقدونس حاولي استخدامها قبل مرور ثلاث ايام لانها تبدا تذبل ولا داعي لشراء كميات كبيرة منها
ايضا نفصل الفلفل والليمون عن الخضار لانهم سريعا ما يفسدوا وقد يتسببوا في افساد باقي الخضر او حدوث تعفن غير مرغوب