كل عام و انتم بخير

كل عام و انتم بخير بمناسبة شهر رمضان اعاده الله عليكم و علينا بالخير و اليمن و البركات

التنظيف العميق للمطبخ

السلام عليكم و رحمة الله و بركاته
كل سنة و انتم طيبين
كنت اتمنى اكتب موضوع المطبخ ده من مدة بس كنت مشغولة شوية
بالنسبة للمطبخ قبل رمضان أغلبنا بيحب ينضفه تنضيفة عميقة عشان يكون مريح لينا طول الشهر خاصتا لو عندنا عزايم في شهر الخير ويفضل تنضفيه قبل بمدة عشان تدي لنفسك راحة
عشان كده حبيت اكتب عن خطوات لتنضيفه بعمق
بسم الله نبدا
عادتا لما بنضف اي حاجة بناخدها من فوق لتحت
اول حاجة ننضف الجزء اللي فوق الدولاب والتلاجة بحيث ننضف فوق الدولاب بليفة و صابون و نفس الشئ بالنسبة للحوائط فوق الدولاب
بعد كده ناخد الدرف العلوية نمسح ابوابها من الداخل و الخارج و الشباك ناخده في نفس مرحلة الدرف العلوية
المرحلة الي بعد كده الرخامة ننظمها و اي شئ عاوز رمي نتخلص منه و اي شئ محتاج يدخل في الدرف ندخله و نغسل السيراميك اللي فوقها و نمسحه
بعد كده الدرف اللي في الاسفل بنفس الطريقة
وبعدهم نحرك التلاجة ونكنس ونمسح وراها ونمسح جسم التلاجة من الخارج ومن فوقها
وبعد كده تحريك البوتجاز وغسل الارضية اسفل منه ودعك جوانبه والحاءط بجانبه بالماء والصابون وتنشيف الارض وارجاعه لمكانه
ولو غسالة اطباق نفس الشيئ
وفي الاخر مسح الارضية اللي هي وسط المطبخ لان كل الحاجات اللي حركناها مسحنا تحتها ورجعناها مكانها
ممكن قبل ما تعملي الموضوع ده بيوم ترتبي الدولاب وتخرجي الزايد لو حاسة ان الدولاب من جوا محتاج ترتيب او التلاجة من جوا محتاجة ترتيب
وبكده يبقى كل حتى في المطبخ بقت نضيفة
دمتم في رعاية الله
 والله المستعان


 كل عام و انتم بخير

دولاب الحمام

من الحاجات الجميلة و بتساعد وجود دولاب بالحمام بأي حجم ممكن

يوضع به الصابون و الكريمات و المساحيق و ان كان حجمه كبير ممكن ايضا وضع الفوط به
الدولاب ده ممكن يبقى داخل الحمام او في الطرقة جنبه

تهادوا تحابوا

كلنا بنتبادل الهدايا في المناسبات او رجوع من سفر نأتي بالهدايا للأحبة

و لكن في الحقيقة إن الهدية لا يجب أبدا أن تقتصر على المناسبات فحسب

لأن الهدية تعبير عن الحب و تعبير عن الشكر في أي وقت كان

و تذكري أن هذا من وصايا نبينا و حبيبنا محمد صلى الله عليه وسلم حيث قال 

تهادوا تحابوا

كما أن الهدية خاصتا التي ليست في مناسبة زواج أو مولود لا يجب أن تكلفي نفسك حيث تكفي هدية على قدر استطاعتك

و قد تكون شئ مما نستخدمه باستمرار كأن تشري مثلا علبة كريم تفضله أختك أو لوالدتك ايشارب او حتى ميدالية صغيرة

أي شئ تعبري بيه عن الحب و تجددي به روح المودة و ليس من الضروري ان تضعيها في الاطار المعقد من شراء كيس او لف للهدية طالما انها بعيدة عن المناسبات .

و تذكري أيضا أن النبي أوصانا بأن نقبل الهدية و ألا نحقر من هدية و كان عليه أفضل الصلاة و السلام يقبل القليل و الكثير و يثيب عليها خيرا منها فترتفع المنة .

و قد قال عليه أفضل الصلاة و السلام

( لَوْ دُعِيتُ إِلَى كُرَاعٍ لأَجَبْتُ، وَلَوْ أُهْدِىَ إِلَىَّ ذِرَاعٌ أو كراع لَقَبِلْتُ ) رواه البخاري، والكراع: مستدق الساق من الغنم والبقر العاري من اللحم .

و هذا حث منه عليه أفضل الصلاة على تلبية الدعوات و قبول الهدايا حتى و إن كانت بسيطة و في هذا تشجيع للتهادي و الدعوة على الطعام كل حسب قدرته .

 وليس فقط قبول الهدية بل حثنا عليه الصلاة و السلام بمكافأة من اهدانا بما نستطيع من الخير و ان لم نجد فلندعوا له بالخير

وقال عليه الصلاة و السلام

( من سألكم بالله فأعطوه، ومن دعاكم فأجيبوه، ومن أهدى لكم فكافئوه، فإن لم تجدوا ما تكافئوه فادعوا له ) رواه أحمد . 

• 
  

عادة #4 روتين صباحي

اتكلمنا عن ثلاث عادات ممكن تساعدنا على حفظ نظافة و نظام البيت
و انهاردة هانتكلم عن العادة الرابعة و الأخيرة بإذن الله
وهي

 روتين صباحي

حاجات معينة ثابتة بتعمليها كل يوم الصبح

و كل ربة منزل بتظبط الروتين ده على حسب ظروفها

يعني مثلا المرأة العاملة اكيد ليها روتين مختلف عن المرأة التي في المنزل

و الام لها روتين مختلف عن المتزوجة حديثا

المقصود ان الروتين ده مش حاجة معينة تنطبق على كل ربات البيوت

بس لازم يكون ليكي نظام للصباح
مثال لنظام يمكن موجود في اغلب البيوا

قراية الاذكار و فرش السراير و فتح الشبابيك للتهوية و اخراج ما تنوي طهيه للغداء و كوب شاي

مش لازم يكون روتين معقد بالعكس يكون بسيط ومهم أفضل و يساعدك انك تبدأي يومك بلمسة نظام

و تتشجعي تنقلي لأعمال أخرى 

تاريخ صلاحية الأدوية بعد فتحها

هل تشتري العديد من الأدوية و تحتاري بعد فتحها متى يجب التخلص منها و هل تاريخ الانتهاء لا يتغير بعد الفتح ؟!
في الحقيقة إن تاريخ الإنتهاء المدون على العبوة هو تاريخ انتهاء الدواء قبل فتحه و بمجرد فتح الدواء و تعرضه للهواء فهذا التاريخ يتغير ويصبح للدواء تاريخ انتهاء جديد يبدأ من فتح العبوة و يختلف تاريخ الانتهاء بعد الفتح حسب الحالة الموجود عليها الدواء اذا كان سائل او كريم او مرهم او حبوب وحسب الاستخدام و أيضا حسب المواد الفعالة .
إليك قائمة بتاريخ الانتهاء للأدوية المختلفة بعد فتحها :
1 - أدوية الشرب بأنواعها المختلفة في ما عدا المضادات الحيوية تبقى ل 6 أشهر .
2- أدوية المضاد الحيوية الشرب أسبوع أو 14 يوم حسب ما مدون على العبوة .
3 - قطرات العين تنتهي صلاحيتها بعد 28 يوم من فتحها .
4 - حقن الإنسولين أثناء الاستخدام منها تبقى لمدة شهر في درجة حرارة الغرفة .
5 - الكريمات و المراهم تبقى لمدة 3 أشهر .
6 - أما الحبوب و الكبسولات التي بشرائط فيبقى التاريخ كما هو مالم تخرج الحبة من الشريط .

بالإضافة الى أن هذه العلامة الموضحة بالصورة توجد على العديد من المستحضرات الطبية و مستحضرات التجميل و هي عبارة عن تاريخ الانتهاء بعدد الأشهر بعد فتح العبوة .

أجمل ما قاله زوج في حب زوجته

 " إني رزقت حبها "

اجمل ما قيل في مشاعر الحب الصادق
هكذا قال النبي صلى الله عليه و سلم عن حب زوجته خديجة رضي الله عنها و ارضاها

اللهم صلي على حبيبنا و معلمنا محمد صلى الله عليه و سلم